14 наурыз күні - Көрісу мейрамы атап өтілді.

Түркістан облысы Мақтаарал ауданының адами әлеуетті дамыту  бөліміне қарасты  "М.Ғабдуллин атындағы №52 жалпы орта мектебі" коммуналдық мемлекеттік мекемесінде  14 наурыз күні - Көрісу мейрамы атап өтілді. Көрісу мейрамы бұл халқымыздың қыстан аман-есен шыққанына шүкір білдіріп, қуанып, бір-бірімен көрісіп халық бір-бірінің қал жағдайын сұрап көріседі. 

Біреуге реніші бар адамдар бұл күні өкпесін ұмытып, ренжіскен адамына кіріп көріседі. Сөйтіп, арадағы суық қарым-қатынастың жібі үзіліп, көрісу күні барша халық достасады. Сондықтан, бұл күні әр адам мүмкіндігі болса, бүкіл ауылдың табалдырығын аттап шығуға тырысады.Көрісу күнінде халық қыстан аман - есен шыққанына қуанып, бір - бірімен қол алысады.  Бір – біріне «Бір жасыңмен!» дейді. Ол «Бір жасқа есеюіңмен! Осы жылға аман - есен жетуіңмен!» дегенді білдіреді.